كتب: محمد أسامة رمضان

المصدر: الوطن

قال رجل الأعمال المصري المقيم في لندن أشرف السعد، إن المستشار مرتضى منصور رئيس نادي الزمالك، كان قد استلم أموالا كثيرة جدا من أموال الريان بصفته محاميه وبتوكيل منه، لكنه لم يعد هذه الأموال، وأخفاها.

وتابع السعد، في فيديو بثته صفحة باسم “محبي أشرف السعد” على يوتيوب: “أنا في الفترة دي عالجت مرتضى من اللي حصله في المعتقل، بعد ما ابتدى يطلع الفلوس اللي مخبيها، أنا عايز أفكره بالشقة اللي فوق الراجل بتاع الكبدة اللي في العباسية، شقة كده في الدور السادس من غير سيفون، أنا عايز أفكره بيها، لو عايزني أحكيها الحكاية دي أحكيها، بس أنا حاتكسف أحكي”.

وأكمل السعد: “فريد الديب قعد الست شهور بتوعه في المعتقل”، على خلفية قضية توظيف الأموال “وطلع رافع الراية البيضا وما فتحش بقه لحد دلوقت، إنما مرتضى بقى كان معاه توكيل يروح قبرص يجيب الفلوس، وكان في فلوس مستلمها متخبية مافيش عليها دليل”.

وتابع: “اسألوا فاروق المقريحي على أن مرتضى جابوه في شوال واسألوا اللوا علاء عباس، كانوا حاضرين وشايفين الأجولة، الريان يومها اتسجن وأنا كنت موفق أوضاعي وقاعد بره، وكنت براعي مصالح أحمد الريان، وكنت متوقع ان مرتضى يرجع نص الفلوس اللي خدها من الريان مش يضرب عليها كلها”.

[vid id=”cjY4-9n2x14″ source=”youtube”]

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

18 − اثنان =