محمد إمام يكشف مشهدا صعبا مع ياسمين صبري بالبيجامة والروب

آخر تحديث : الأحد 7 أكتوبر 2018 - 9:12 مساءً
محمد إمام يكشف مشهدا صعبا مع ياسمين صبري بالبيجامة والروب

كتب: نرمين عفيفي

المصدر: الوطن

تحدث الفنان محمد إمام عن تفاصيل مشهد صعب له مع الفنانة ياسمين صبري من فيلم “ليلة هنا وسرور”، ونشر كواليس هذا المشهد عبر حسابه الشخصي على “إنستجرام”.

وكتب محمد إمام على الفيديو: “من أصعب المشاهد اللي صورتها أنا وياسمين صبري، بنجري بالبيچامة والروب على كوبري قصر النيل يوم الخميس بليل.. اللي أول مرة تعرفوه، إن وإحنا بنجري ياسمين وقعت مني في وسط الكوبري وقعدت تعيط على الأرض لأن كان عندها أصلاً رباط صليبي والناس ابتدت تتلم علينا جامد، وأنا قاعد بهدي فيها وأسلم على الناس في نفس الوقت، لحد ما عربية الإنتاج جت بسرعة وركبناها فيها ومشيت وأنا من كتر اللهوجة نسيت أركب معاهم، وفجأة لقيت نفسي واقف لوحدي بالروب وحافي في وسط أمة لا إله إلا الله وعاوزين كلهم يتصورا معايا أو اتصورا خلاص والدنيا اتقلبت و أنا مش لاقي ولا حد من التصوير.. لحد مالقيت واحد صاحبي معدي بالصدفه بعربيته ولحقني، وفي نفس الوقت طقم التصوير بيدورا عليا ومش عارفين أنا فين، كان يوم صعب بس عدى على خير الحمد لله والمشهد طلع لطيف جداً”.

فيلم “ليلة هنا وسرور” بطولة الفنان محمد عادل إمام، ياسمين صبري، فاروق الفيشاوي، بيومي فؤاد، ومحمد ثروت، ومن تأليف كريم يوسف، مصطفى صقر ومحمد عزالدين، وإخراج حسين المنياوي.

2018-10-07 2018-10-07
مصر اليوم