فيديو اللي عنده معزة يربطها مفبرك

آخر تحديث : الأربعاء 15 مارس 2017 - 11:00 صباحًا
فيديو اللي عنده معزة يربطها مفبرك

“اللى عنده معزه يربطها” يحطم أرقام الأعلى تداولا على مواقع التواصل الاجتماعى لفترة زادت على 24 ساعة، وتطور الجدل ليتحول إلى ساحة اتهام ومحاكمة لأولياء الأمور ودفاع من آخرين عن والدة الطفلة محل الجدل.

وعلقت إحدى الأمهات لتبرئ والدة الطفلة وتؤكد الشكوى من الطفل عبدالرحمن وسوء سلوكه مع الجميع، وتجاهل أمه لشأن الطفل، مؤكده أن ابنها فى الفصل نفسه محل الجدل.

قالت هاجر أم عبد الله الشواف: “البوست ده بخصوص الموضوع المنتشر تحت مسمى خناقة أولياء الأمور فى جروب على الواتس آب، ياريت نشر كلامى ده وعلى مسؤليتى لأنه الموضوع زاد عن حده جدا، عشان بس الكلام الكتير ومحدش عارف أى خلفيات، الكلام ده فى فصل ابنى فى الصف الأول وفى مصر مش برة مصر لأنه فى ناس بتقول برة مصر”.

وتابعت: تسجيل الأم كان فى جروب الفصل ع الواتس آب اللى كله أمهات، وفى حد مش عنده ضمير فى الجروب معانا أخد التسجيل طلعه برة الجروب وعشان كده انتشر بهذه السرعة، واللى طلع التسجيل مطلعش باقى التسجيلات لأنه التسجيل ده بتاع أم البنت، بعدها أم الولد ردت وبعدين أم البنت ردت عليها، الشاهد إن الموضوع له تكمله موقفش عند هذا التسجيل، كان نفسى الرد التانى بتاع أم البنت يتنشر زى ما ده اتنشر عشان الناس تفهم أساس الموضوع وخلفياته من أول السنة، لكن حد قصد يطلع تسجيل معين لغرض معين”.

وأضافت: “الولد ده من أول السنة قرفنا فى المدرسة كلام فى حاجات منتهى قلة الأدب والسفالة وشتيمة كمان، وصدقا أنا أستحى أقول الكلام اللى بيقولوه وعيالنا سمعوه منه، وإحنا كأمهات تواصلنا الأول مع أمه عشان سلوكيات ابنها إن كان سلوك لفظى أو سلوك أخلاقى، لكن للأسف مفيش أى موقف بيتاخد مع الولد وبيزداد فى قلة الأدب، وآخر مازهقنا تم التواصل مع المدرسة وتم استدعاء ولى أمر الولد والمدرسة دلوقتى متابعة الولد، إحنا لا نعيب أبدا على الطفل لأنه مهما كان ده طفل ومحتاج متابعة وتقويم وده اللى كنا بنطلبه، شةء تانى مهم جدا من باب الإنصاف، ورد الرجل غالبا ده مش أبو الولد لأنه جروب الواتس آب كله أمهات مفيش رجالة خالص”.

وكشفت: “غالبًَا حد عمل تسجيل من باب التنكيت والتريقة وتم نشر تسجيل الرجل ده على أنه أبو الولد، وأخيرا أنا بجد كان لازم أرد لأنه الموضوع زاد عن حده، وسبحان الله ربنا قدر لأم البنت تاخد حسنات وهى قاعدة فى بيتهم، ويكفى قولها على كل اللى حصل ده حسبى الله ونعم الوكيل، وربنا يشهد ع كلامى ده”.

وكان تسريب صوتي لإحدى أمهات الطالبات تسبب فى إثارة الجدل على مواقع التواصل الاجتماعى وأصبح حديث السوشيال ميديا.

2017-03-15
أترك تعليقك
0 تعليق
*نص
الاسم*
البريد الالكترونى*
الموقع الإلكتروني
انشاء حساب او تسجيل الدخول
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة مصر اليوم EgyFP الالكترونية وهي تلزم بمضمونها كاتبها حصرياً.

mahmoud